OYUN HAQQINDA

Terminal karantinə bağlanır

İstanbula uçmalı olan sərnişinsən. Gecə baqaj yükündə yoluxma aşkarlanıb və təxliyə yarımçıq qalıb. Yoluxmuş keşikçilər səsə gəlir, sağ qalanlara hücum edir. Saat 02:47-dir; 03:13-də terminal tam bağlanacaq

Gediş zalını, Duty Free-ni, baqaj zalını və nəzarət məntəqəsini araşdır. Elektriki bərpa et, reys kodunun üç hissəsini tap və keçid kartı ilə A17-ni aç. Qalmağı seçsən, kamera qeydini mərkəzi yayımda səsləndirib içəridə qalanları xəbərdar edə bilərsən

Səsləri dinlə, yolunu seç

İşıq və səs keşikçilərin diqqətini çəkir. Əyilərək gizlənə, səs mənbəyi ilə onları başqa tərəfə yönəldə, qaça və ya tapdığın tapançanın məhdud gülləsindən istifadə edə bilərsən

Oyun klaviatura və siçanla, telefonda isə ekrandakı düymələrlə idarə olunur. Ayarlardan səsi, görüntünü, subtitrləri və düymələri dəyişmək mümkündür. İrəliləyiş saxlanılır; hesab açmaq və ödəniş etmək tələb olunmur

Hekayə real hadisə deyil

Hadisələr və personajlar uydurmadır. Oyun real hava limanının dəqiq planı, təhlükəsizlik təlimatı və ya aviasiya xidməti deyil

Real məkan və xidmət adlarının istifadəsi həmin qurumların oyuna dəstəyini və ya tərəfdaşlığını ifadə etmir. Oyundakı ASAN İmza səhnəsi təlim kartı ilə qurulmuş tapmacadır; həqiqi imza xidmətinə qoşulmur və telefon nömrəsi, PIN və ya şəxsiyyət məlumatı istəmir

ALLTER MMC tərəfindən hazırlanıb

The Last Terminal Azərbaycan dilində hazırlanmış ALLTER MMC layihəsidir. Oyun və ya məlumatların işlənməsi barədə khalid.nazarov@allter.az vasitəsilə yaza bilərsən

Musiqi

• Lightless DawnKevin MacLeod
• Long Note TwoKevin MacLeod
• Ossuary 6 - AirKevin MacLeod

Əsərlər Kevin MacLeod tərəfindən yaradılıb və Creative Commons Attribution 4.0 lisenziyası ilə istifadə olunur. Səs səviyyəsi uyğunlaşdırılıb, fayllar yüngülləşdirilib