MƏXFİLİK SİYASƏTİ

Məlumatların idarəçisi

The Last Terminal oyununda məlumatların işlənməsinə ALLTER MMC cavabdehdir. Əlaqə: khalid.nazarov@allter.az · Bakı, Azərbaycan

Bu siyasət oyunun veb versiyasına və onun məlumat səhifələrinə aiddir. Hesab açılmır; oyuna daxil olmaq üçün e-poçt, telefon nömrəsi və həqiqi ad tələb olunmur

Nə toplanır?

• Oyun yaddaşı — seçdiyin ad və ya ləqəb, irəliləyiş, seçimlər və nailiyyətlər cihazda, bağlantı olduqda isə serverdə saxlanılır. Həqiqi ad əvəzinə ləqəb seçə bilərsən
• Seçimlər — səs, görüntü, idarəetmə, musiqi və quraşdırma pəncərəsi ilə bağlı seçimlər cihazda saxlanılır
• Oyun tanıyıcısı — təsadüfi kod və sessiya kukisi cari brauzeri saxlanmış oyunla əlaqələndirir. Bu, adla qeydiyyatdan keçən hesab deyil
• Təhlükəsizlik qeydləri — sorğuları məhdudlaşdırmaq üçün IP ünvanından yaradılmış kod və sayğac saxlanılır. Serverin giriş qeydlərində IP ünvanı, sorğu ünvanı və vaxtı, brauzer məlumatı ola bilər
• Dəstək müraciəti — yalnız bizə yazdıqda göndərdiyin mesaj, əlaqə adı, e-poçt və ya telefon nömrəsi müraciətə cavab vermək üçün işlənir

Veb oyun kamera, mikrofon, kontaktlar və dəqiq məkan üçün icazə istəmir. Oyundakı ASAN İmza səhnəsi həqiqi identifikasiya və ya imza məlumatı toplamır

Məlumatlar nə üçün işlənir?

Yadda saxlanmış oyunu bərpa etmək, seçimlərini tətbiq etmək, nailiyyətləri göstərmək və xidməti sui-istifadədən qorumaq üçün

Oyun yaddaşı reklam üçün istifadə olunmur. Məlumatlar satılmır və reklam üçün paylaşılmır. Serveri işlədən hostinq xidməti məlumatların saxlanması və təhlükəsizlik qeydlərinin işlənməsində iştirak edə bilər. Qanuni tələb olduqda məlumatın səlahiyyətli quruma verilməsi mümkün ola bilər

Ana səhifədəki MilliNet banneri MilliNet saytından yüklənir. Bu zaman IP ünvanı, brauzer məlumatı və saytımızın ünvanı MilliNet-ə ötürülür. Həmin xidmət öz kukilərindən istifadə edə bilər

ALLTER-in əlaqə formasına göndərdiyin məlumatlar həmin saytın məxfilik qaydalarına əsasən işlənir. WhatsApp keçidi yalnız özün açdıqda həmin xidmətə aparır; səhifədə WhatsApp izləyicisi yerləşdirilmir. Yazışma WhatsApp-ın məxfilik qaydalarına da tabedir

Yaddaş və saxlanma müddəti

Yerli oyun yaddaşı və ayarlar onları silənədək və ya brauzer təmizləyənədək cihazda qalır. İnternetsiz açılması üçün oyun faylları ayrıca keşdə saxlanıla bilər. Başqa cihaz və brauzer bu yaddaşı paylaşmır

Oyun tanıyıcısının kukisi 365 günədək etibarlıdır; sessiya kukisi brauzer sessiyası üçün verilir. Kukinin vaxtının bitməsi serverdəki oyun məlumatını avtomatik silmir

Serverdəki oyun yaddaşı və nailiyyətlər üçün hazırda avtomatik silinmə müddəti tətbiq olunmur. Onları aşağıdakı düymə ilə silə bilərsən. IP-dən yaradılan təhlükəsizlik qeydlərinin də avtomatik təmizlənmə cədvəli yoxdur. Serverin ümumi giriş qeydlərinin saxlanma müddətini bu oyun idarə etmir. E-poçt və WhatsApp yazışmaları istifadə olunan xidmətlərdə qala bilər; silinməsi barədə bizə yaza bilərsən

Məlumatlar necə qorunur?

Rəsmi ünvan tlt.allter.az-dır. HTTPS ilə açıldıqda brauzerlə server arasındakı məlumatlar şifrəli bağlantıdan keçir

Oyun sorğuları sessiya yoxlaması və sorğu məhdudiyyətləri ilə qorunur. Oyun tanıyıcısı serverdə çevrilmiş kodla saxlanılır; saxlanmış oyunlar başqa oyunçulara açıq deyil. Şəbəkə və cihazların tam təhlükəsizliyinə zəmanət vermək mümkün deyil

Uşaqların məlumatları

Qorxu və zorakılıq səhnələri olan oyun uşaqlara yönəlməyib. Uşağa aid məlumatın göndərildiyini düşünürsənsə, araşdırılması və silinməsi üçün bizimlə əlaqə saxla

Suallar və dəyişikliklər

Məlumatlara baxmaq, düzəliş və ya silinmə barədə müraciət üçün khalid.nazarov@allter.az vasitəsilə yaz. Mesajda oyunun adını qeyd et; şifrə, şəxsiyyət sənədi və ya imza kodu göndərmə

Məlumatların işlənməsi dəyişdikdə bu səhifə və yenilənmə tarixi də dəyişəcək